حملة الارتقاء بالمستوي الفكري والثقافي لمنتدي شباب جدعان

بسم الله الرحمن الرحيم


اعزائي اعضاء منتديات شباب جدعان
تحية طيبة وبعد

يسرني ان ابدأ معكم وبكم حملة الارتقاء بالمستوي الفكري والثقافي لمنتدي شباب جدعان

طبعا الاسم صعب اوي انا عارف

لكن هو بجد حاجة ضرورية جدا في الوقت الحالي

مش هقول ان المستوي منخفض

ولا هقول ان مفيش مستوي اصلا

لا المنتدي كويس جدا وفيه ناس تفكيرها عالي جدا جدا

والمنتدي اية غير شوية اعضاء ومواضيع وردود وشوية حاجات تانية مع بعضها؟؟

طيب دلوقتي عندنا الاعضاء ....فاضل المواضيع والردود

مش هقول برضه ان مفيش مواضيع ولا ردود

في مواضيع وردود وكتيرة كمان

لكن اقصد هنا المواضيع الهادفة والمفيدة اللي تضيف معلومة للي يقراها او
تفهمه حاجة او تنمي روح الحوار بين الاعضاء في حوار هادف ومفيد وبناء
للجميع سواء شاركوا في النقاش او لأ

طيب دلوقتي عايزين نعرف احنا عايزين اية من الحملة دي؟؟؟؟


اولا اهداف الحملة

1- زيادة المواضيع الهادفة والتي ترفع من ثقافة اللي يقراها
2- البعد عن المواضيع المسفة اللي بتعتمد علي فرقعة العنوان ومن جوة مفيش
اي مضمون
3- تنشيط الاقسام ذات الطابع العلمي كل علي حسب تخصصه ودة هيجيب لنا اعضاء
من اتجاهات جديدة
4- الارتقاء بمستوي التفكير للأعضاء وتنمية روح الحوار بينهم
5- زيادة روح الاسرة الواحدة بين الاعضاء جميعا
6- ما يستجد من اهداف....

كلام حلو اوي وسهل اوي اوي
بس ازاي بقي؟؟؟؟

ثانيا خطة العمل

1- اضافة المواضيع المنشودة في اهداف الحملة
2- تنشيط المواضيع الجيدة المكتوبة سابقا في المنتدي ولكنها اندثرت في
صفحات الاقسام
3- العمل علي دعوة الاعضاء القدامي المعروف قدرتهم علي الارتقاء بالمنتدي
واضافة المزيد والمزيد له
4- متابعة المواضيع الجيدة وتنشيطها بإستمرار
5- بث روح الاخوة بين الاعضاء عن طريق الزيارات المتبادلة والتجمعات التي
تنظمها ادارة المنتدي او من يستطيع تجميع الاعضاء في اي مناسبة ممكنة
6- ما يستجد من بنود...

جميل اوي الكلام دة كمان
احنا بقي كإدارة حالية للمنتدي هنعمل اية ؟؟؟؟

ثالثا دور الادارة

1- اعادة هيكلة لإدارة المنتدي لتغيير المشرفين المتغيبين واستبدالهم بمن
فيه الكفائة لتحمل المسؤولية من الاعضاء
2- تنظيم سريع لأقسام المنتدي وفتح قسم جديد للتنمية الذاتية او البشرية
3- ارسال دعوات للأعضاء القدامي للعودة والمشاركة من جديد في عائلة منتديات شباب جدعان
4- فتح شباب جدعان ماركت وما يتضمنه من مزايا ومتعة كبيرة للأعضاء
5- العمل مع الاعضاء للإرتقاء بالمنندي يدأ بيد
6- ما يستجد من اعمال...

اعتقد كدة ممكن اكون فهمتكو اية هي الحملة واية اللي نقدر نعملو للمشاركة
في الحملة دي واية اهدافها

وعلي العموم اي حد عندو استفسار او اعتراض او اضافة لأي بند من بنود الحملة
ياريت يقولو عشان نستفيد جميعا منها

والله الموفق..........