العميل السري لعبة تحتاج تفاعل

انت برج ايه؟ برج إيفل

لو انت قدي وفي مدرستى انت في الفصل بتاعى و لا الفصل التانى؟ الله اعلم لسة هعرف السنة الجاية وعلينا خير

لو انت مش قدى في مدرستى ولا لا (( الزيات ))؟ مش قلت ان شاء الله هروحها السنة الجاية

طويل ولا قصير؟ بالنسبة لسنى حلو

تخين ولا رفيع ؟ معقول

لما تكبر نفسك تطلع ايه؟ ربنا يسهل

عندك اخوات؟ اه والحمد لله

لو عندك كام بنت وكام ولد؟ اسرار عائلية

اما نشوف مين يقدر يأفشنى

انت لميس ؟

لن اجاوب علي اي سؤال بعد ان اعرف ما هى اجابات كل من في المنتدى وسأعلن في النهاية من انا ومن الذي جاوب بجواب صحيح

انت الدبسي

سأكرر كلامى في النهاية سأعلن عن شخصيتى

وملحوظة: لن تتمكن من تغيير اجابتك

انت سعد

سأكرر كلامى في النهاية سأعلن عن شخصيتى

وملحوظة: لن تتمكنى من تغيير اجابتك

بقى كدة طيب انا عارف مين اقول يا جماعة ولا لأ
ماتخفش او ماتخافيش مش هقول انت مين

واسئلتى :
انت عندك 14 سنة ولا لأ؟
انت كنت فى مدرستى السنة اللى فاتت ولا لأ؟
انت كنت فى فصلى السنة اللى فاتت ولا لأ ؟ ده اذا كنت فى مدرستى
فى حد اصغر منك فى المنتدى معانا ولا لأ؟
مساهماتك اكتر من 500 ولا لأ؟
اعدتى قبل كدة على كرسى الاعتراف قبل كدة ولا لأ؟
موجودة فى شجرة عيلة المنتدى ولا لأ؟

كفاية كدة وورينا شطارتك هنشوف هتهربى من اسئلتى ازاى

انت عندك 14 سنة ولا لأ؟ لا


انت كنت فى مدرستى السنة اللى فاتت ولا لأ؟ انا كنت في مدرسة من المدارس السنة اللي فاتت


انت كنت فى فصلى السنة اللى فاتت ولا لأ ؟ ده اذا كنت فى مدرستى (( قد فات ما فات من سنين فلا تذكرنى بالماضي))


فى حد اصغر منك فى المنتدى معانا ولا لأ؟ الله اعلم بس ممكن


مساهماتك اكتر من 500 ولا لأ؟ لا اتذكر


اعدتى قبل كدة على كرسى الاعتراف قبل كدة ولا لأ؟ هو في كرسي جديد اسمه كرسي الاعتراف لا مجربتوش قبل كدة هخلي بابا يشتريهولي


موجودة فى شجرة عيلة المنتدى ولا لأ؟ هى في شجرة جديدة اسمها شجرة عيلة المنتدى هى من الاثار الحديثة ولا القديمة؟

مين يقدر يتحدانى ويكشف عن شخصيتى؟

متنرفزنيش طب شوفى السؤال ده


هل سنك ما بين 14 و 15؟

انتى ساكنة فى التانية ولا التالتة؟

هل سنك ما بين 14 و 15؟ هو انا في بؤي اسنان كتير بس معدتهمش

انتى ساكنة فى التانية ولا التالتة؟ انا مش اسمى ساكنة انا اسمى العميل السري

هل انتى من مواليد 1996؟
هل انتى تقيمين فى المجاورة الثالثة ام الثانية؟


وانا كدة بدأت اشد فى شعرى بجد

هل انتى من مواليد 1996؟ ياه السنين بتعدى بسرعة هى دى ميلادى ولا هجري


هل انتى تقيمين فى المجاورة الثالثة ام الثانية؟ انا اسكن في مجاورة تجاور المجاورة التى بجوارى

بقولك ايه ماتجننيناش


ودى ميلادى انت من مواليدها بقى ولا

وما اسم المجاورة التى بجوارك

5- يجب على العميــل بأن يجيب على الأسئلـــه بكل جديــه

دة الشرط الخامس من شروط اللعبة المفروض ان انتى تجاوبى بصراحة مش برج ايفل و مش فكرة والله اعلم

ما انا بجاوب بصراحة وهى دى الاجابات اللي انا عارفاها

واتحدى من يعرفنى ومن يقف امامى ليعرف من هو العميل السري

خد بلكم من السؤال الذكى ده هو انت اسمك ايه غير العميل السري

هو انت ولد ولا بنت

اسمى غير العميل السري هو العميلة السرية

هو انت ولد ولا بنت؟

بنت والله العظيم بنت

انتى لميس

يا جماعة لو حد عنده اسئلة يسأل ولو عايزنى اعلن عن شخصيتى واكتفي بالاجابات دى قولولي

انا جيت وجبت اسئلة مش هتعرفي تهربي منها يا عميلة يا سرية اسألتى هى:

بتفتحى المنتدى باستمرار؟

عندك اخوات علي المنتدى؟

لو عندك بنات ولا صبيان ؟

جاوبي بقي يا حبيبتى وانا هتحداكى