عرف نفسك اكتر

هنا كل واحد او واحدة فينا هيعرفنا شخصيته زى ما هو شايفها الحجات اللي بيحبها الحجات اللي

بيكرهها صفاته الكويسة صفاته اللي مش راضي عنها اكله المفضل الوانه المفضلة,,,,,,إلخ........

وانا هسهلها عليكوا وهقولكوا توصفوا نفسكوا ازاى

1- هتوصف نفسك في جمله او اكتر

2- بتحب الوحدة ولا اللمة

3- صفاتك اللي بتحبها في نفسك مع ذكر السبب او نبذة صغيرة عنها

4- صفاتك اللي مش حببها في نفسك مع ذكر السبب او نبذة صغيرة عنها

5- اكلاتك المفضلة بالنسبة للفاكهة او الخضروات او اي اكل

6- اكلاتك الغير مفضلة بالنسبة للفاكهة او الخضراوات او اي اكل

7- الوانك المفضلة مع ذكر سبب حبك لكل لون

8- الوان مش بتفضلها مع ذكر سبب كرهك لكل لون

9- احلامك وطموحاتك

10-بتحب ان يكون ليك اصحاب كتير ولا قليلين ومين اكتر صديق بتفضله مع ذكر صفاته وسبب حبك ليه


و لو جاوبت علي الاسئلة دى يبقي انت كدة عرفت نفسك

كتابة,,,,,,,Mai

1 _ مش عارفة يا مى

2_ اللمة

3_ مرحة (( هو كدة ))

4_ بزعل بسرعة من اتفه حاجة (( لو مجاليش اللى انا عايزاه ))

5_ الموز والتفاح

6_ السمك

7_ التركواز (( رقيق )) ..... الاحمر (( فاقع )) ..... الاسود (( مش عارفة )) بصراحة ده اكتر لون بحبه

8_ الاورنج (( غبى )) ..... البنك الفاتح,,, درجة من البمبة (( بحس انه باهت ))

9_ نفسى ابقى عالمة فضاء ((دى وحدة من حاجات كتييييييييير ))

10_ لا مش كتير اوى ,,,, اكتر صديقة هى امانى .... هى طيبة ومؤدبة

ونهى بردو طيبة ومرحة ومؤدبة زى امانى

شكرا علي التفاعل وانا كمان احب اعرف نفسي

- هتوصف نفسك في جمله او اكتر(( بحب الحياه بحلوها ومرها ))

2- بتحب الوحدة ولا اللمة(( بحب اللمة بس في اوقات افضل اكون وحيدة يعنى علي حسب المود ))

3- صفاتك اللي بتحبها في نفسك مع ذكر السبب او نبذة صغيرة عنها(( الطيبة وان انا عمرى ما اكره حد او أزعل من حد ,,,, عشان مبحبش اخسر حد)),,,,((لماحة وذكية,,,, بعرف شخصية اللي قدامى بسرعة)),,,,(( العصبية والبرود,,,, بقدر اتحكم في الاوقات اللي لازم اكون باردة فيها ومتعصبش))

4- صفاتك اللي مش حببها في نفسك مع ذكر السبب او نبذة صغيرة عنها
و (( الطيبة و الحنية الزايدة,,,, ناس كتيرة بتفكرها ضعف))

5- اكلاتك المفضلة بالنسبة للفاكهة او الخضروات او اي اكل(( المانجة والجمبري))

6- اكلاتك الغير مفضلة بالنسبة للفاكهة او الخضراوات او اي اكل((كوسة وبتنجان))

7- الوانك المفضلة مع ذكر سبب حبك لكل لون (( الأسود,,,, لأنه بيعبر عن شخصيتى الغموض))
((الأبيض,,,, نور الأمل في بكرة))
(( الرصاصي,,,, يذكرنى بكل رسمة رسمتها لحياتى بقلمى الصغير))

8- الوان مش بتفضلها مع ذكر سبب كرهك لكل لون (( قلت قبل كدة ان انا مبحبش اكره او مبعرفش اكره وانا مبحبش الالوان اللي تحس انها غبية ))

9- احلامك وطموحاتك (( أعيش حياتى زى ما انا حابة اعشها))

10-بتحب ان يكون ليك اصحاب كتير ولا قليلين ومين اكتر صديق بتفضله مع ذكر صفاته وسبب حبك ليه(( بحب يكون ليا اصحاب كتير يكونوا بيفهونى زى ما انا بفهمهم ))
(( انا مبفضلش حد علي حد لان كل واحدة فيها حاجة مميزة لكن أكتر واحدة انا وهى إصحاب أوى وإنشاء الله مش هنبعد عن بعض ,,,,غدير,,,,))

موضوع جميل بجد يا مى

شكرا ليكى يا لينا وعلي فكرة انا اللي كاتبة الموضوع دة وتعبت في تجميع الشخصية في اسئلة بسيطة


ويا رب يكون عجبكم

حاو اوى الكلام دا بس لسة هكتب كل دا

لا متتعبش نفسك

هههههههه معلش يا نور تعالي علي نفسك شوية وجاوب

على فكره احنا بينا تشابه جامد اوى اوى

تشابه بينك وبين مين؟

بينى وبينك يا مى

اشطة يا منون

1- هتوصف نفسك في جمله او اكتر
مش عارف
2- بتحب الوحدة ولا اللمة
على حسب اوقات بحب اللمة واوقات بحب الوحدة يعنى على حسب المود بردو

3- صفاتك اللي بتحبها في نفسك مع ذكر السبب او نبذة صغيرة عنها
(يعنى براجع نفسى دايما) (والطيبة يعنى عمرى ما اكره حد ولا ازعل من حد عشان مبحبش اخسر حد ( والكرم ودى احلى حاجة يعنى لما تكون كريم ربنا بيباركلك فى حياتك كلها )( وعدم جرح شعور الاخرين وعمرى ما بهزء حد او بغلط فى حد ادام حد حتى لو كان هو اللى غلطان الا اذا زودها على الاخر سعتها بعامله بمثل المعاملة) (ذكى ..وبحب احل الالغاز والعب شطرنج وحاجات الذكاء دى ) واهم صفة فيا عاجبانى اوى ( التدين بس مش الى التشدد يعنى فى مثلا حاجات بتجبلى ذنوب كتير بطلتها زى الاغانى مثلا والافلام وحاجات زى كدة ) وكمان فى صفة تانية وهى التفوق فى الدراسة

4- صفاتك اللي مش حببها في نفسك مع ذكر السبب او نبذة صغيرة عنها
مش عارف ياريت تكرروا انتم

5- اكلاتك المفضلة بالنسبة للفاكهة او الخضروات او اي اكل
اللى يجيبه ربنا كويس بس بالنسبة لاكتر خضار بحبه البسلة والفاصوليا الخضرة وكله بردو حلو والفاكهة المانجو والاكل الجنبرى وفى حاجات تانية بس مش لسة هفكر

6- اكلاتك الغير مفضلة بالنسبة للفاكهة او الخضراوات او اي اكل
المسقعة والسمك والبتنجان والبمية بس وقت الضرورة مفكرش ايه اللى ادامى

7- الوانك المفضلة مع ذكر سبب حبك لكل لون
على حسب الاستخدام بس ممكن اقول الاسود لانه بيعبر عن الغموض زى ما مى قالت وكمان النبيتى والبنى والرصاصى بس بردو كله حلو

8- الوان مش بتفضلها مع ذكر سبب كرهك لكل لون
الالوان الفاقعة بحس انها رخمة شوية

9- احلامك وطموحاتك
انى انجح فى حياتى وارضى ربى ومحدش يزعل منى خالص على اى غلطة غلطها زمان

10-بتحب ان يكون ليك اصحاب كتير ولا قليلين ومين اكتر صديق بتفضله مع ذكر صفاته وسبب حبك ليه
على حسب يعنى لو كلهم زى عاصم والديبسى يبقى كتير اما غير كدة فعادى يعنى بحب اصحاب كتير بس ماتبقاش كوسة
واكتر صديق بفضله هما كلهم كويسين بس ممكن اقول عاصم والديبسى ونور حبايبى

اخيرا خلصت
ملحوظة : انا مابقلدش حد بس الاجابات دى حقيقية وعنى

انا بقي بحب اللمه ومرحه جدا وكنت بحب انسان ومخلصاله جدا بس للاسف طلع انه محبنيش اصلا وعايزه اقوله اني عمري ماحبيت ولا هحب بعده وهفضل عايشاله طول عمري

سوري يا مي مااخدتش بالي من الاساله
1-انا مرحه وبحب الخروجات جداوعصبيه موت
2-انا حبيت الوحده من بعد حبيبي
3-صفاتي اللي بحبها فيا اني مرحه
4-اما اللي مش بحبها اني لما بحب حد بثق فيه جامد
5-بحب المانجه والفراوله
6-البطيخ والكوسه
7-البمبي والموف
8-الاسود
9-احلامي ان اصحابي يفضلوا معايا علي طول
10-بحب يكون ليا اصحاب كتير طبعا واقرب اصحاب ليا(نرمين -ورشا- واسماء-وجهاد)ودول يعرفوا كل حاجه عن حياتي العامه والشخصيه

محمد كامل فوده
مدرس رياضيات

اتمني للموقع المزيد من النجاح

المنتدي لا يوجد به اقسام تعليميه ليه

يا جماعة انا نفسى اتعرف على حد من الموقع دة بجد ودة ايميلى الى عايز يتعرف عليا علشان نتواصل بجد ونكون اصدقاء بجد wwwdawoodcom@yahoo.com